धनुषा–१ मा रास्वपा किशोरी साहको उम्मेदवारी खारेज

काठमाण्डौँ । निर्वाचन आयोगले धनुषा क्षेत्र नम्बर १ का राष्ट्रिय स्वतन्त्र पार्टी (रास्वपा) उम्मेदवार किशोरी साहको उम्मेदवारी खारेज गरेको छ।

आयोगका प्रमुख आयुक्त रामप्रसाद भण्डारीका अनुसार बैंक तथा वित्तीय संस्थाको कालोसूचीमा रहेको प्रमाण पुष्टि भएपछि साहको उम्मेदवारी रद्द गरिएको हो । उनले कुराकानीमा आवश्यक कागजातका आधारमा निर्णय गरिएको बताए ।

कर्जा सूचना केन्द्र को अद्यावधिक विवरणअनुसार कमल निर्माण सेवा प्रालिका शेयरधनी रहेका किशोरी साह २०८० सालमा कालोसूचीमा परेका देखिएका छन्। साथै, विभिन्न मितिमा उनको नाम एकल तथा संयुक्त रूपमा चेक बाउन्ससम्बन्धी कालोसूचीमा उल्लेख रहेको विवरण आयोगले पाएको जनाएको छ ।

कालोसूचीमा नाम समावेश हुनु निर्वाचनसम्बन्धी कानुनी प्रावधानविपरीत हुने भएकाले उम्मेदवारी खारेज गरिएको आयोगको भनाइ छ ।

थप समाचारहरु

उम्मेदवारी खारेजविरुद्ध रेशमको रिटमा सुनुवाइ सकियो अब आदेश आउन बाँकी मौन अवधिमा पैसाको चलखेल गरे उम्मेदवारी नै खारेज धनुषा ४ मा आजपाका उम्मेदवार सम्पत महतो रास्वपा प्रवेश रेशम चौधरीको उम्मेदवारी खारेजीविरुद्धको रिट न्यायाधीश ढकालको इजलासमा बर्दियामा तीन जनाको उम्मेदवारी फिर्ता वारेसबाट रवि लामिछानेले दर्ता गरे उम्मेदवारी