ऐसेलुखर्क गाउँपालिकामा दुई खानेपानी योजना सञ्चालनका लागि त्रिपक्षीय सम्झौता

खोटाङ । ऐसेलुखर्क गाउँपालिका, एक्सन फर नेपाल र खानेपानी उपभोक्ता समितिबीच आर्थिक वर्ष २०८२/०८३ मा दुई महत्वपूर्ण खानेपानी योजना सञ्चालनका लागि त्रिपक्षीय सम्झौता भएको छ। लागत साझेदारीको आधारमा सम्पन्न हुने यी योजनाले स्थानीय नागरिकलाई सुरक्षित र दिगो खानेपानी पहुँच सुनिश्चित गर्ने लक्ष्यका साथ सम्झौता भएको हो ।

सम्झौता अनुसार ऐसेलुखर्क–२, बाकाचोलस्थित लुबेरा बादेल खानेपानी योजना कुल १,३६,८४,७८५.८५ लागतमा निर्माण हुनेछ । यसमा एक्सन फर नेपालले ७२,५६,२८९. ऐसेलुखर्क गाउँपालिकाले ५०,६०,०१८.१६ तथा उपभोक्ता समितिले १३,६८,४७८.५९ लागत व्यहोर्ने सहमति गरिएको छ।

• 

यसैगरी, ऐसेलुखर्क–७, माक्पास्थित रोलुखोला नोरुङ खानेपानी योजना कुल ४२,७२,९५८.४२ लागतमा सञ्चालन हुनेछ। यस योजनामा एक्सन फर नेपालले २०,९८,८५६.७९, गाउँपालिकाले १६,३९,९८१.८३ र उपभोक्ता समितिले ५,३४,११९.८० योगदान गर्नेछन् ।

गाउँपालिकाका अनुसार, दुवै योजना समयमै सम्पन्न भएमा स्थानीयवासीलाई दीर्घकालीन रूपमा स्वच्छ खानेपानी उपलब्ध गराउन महत्वपूर्ण योगदान पुग्नेछ ।