दाक्सु मिडिया
२०८२ माघ ११
काठमाडौं । गत मंसिरमा नेप्सेमा सूचीकरण भएको एसवाई प्यानलको सेयर मूल्य सुरुमा केही घट्यो, तर छिट्टै पुनः बढ्न थाल्यो। पहिलो कारोबार ३१९ रूपैयाँमा भएको सेयर हाल १७१० रूपैयाँ पुगेको छ।
सेयर मूल्य बढ्नुमा संस्थापक र कोरियन लगानीकर्ताहरूको ठूलो हिस्सेदारीले भूमिका खेलेको मानिन्छ। कम्पनीले इपिएस प्यानल, पफ प्यानल, ढोका आदि उत्पादन गर्दै आएको छ र चार वर्षयता बिक्री आम्दानी वार्षिक २२ प्रतिशतले बढिरहेको छ।
हालै सम्पन्न साधारण सभामा लाभांश वितरण नगरे पनि, आर्थिक वृद्धिले लगानीकर्ताको आकर्षण कायम राखेको छ। बिहीबार मात्र सेयर १० प्रतिशत बढेर उच्च विन्दुमा पुग्यो।
त्यस्तै, श्रीनगर एग्रिटेक इन्डस्ट्रिजको सेयर पनि सर्किट ब्रेक लाग्ने गरी बढेको छ। चुक्ता पुँजी कम र बजारमा आपूर्तिको सानो मात्राले मूल्य बढाउन सहयोग गरेको देखिन्छ।
तपाईको प्रतिक्रिया दिनुहोस्