सर्लाहीमा पूर्वमन्त्रीसहित १२४ उम्मेदवारको जमानत जफत

प्रतिनिधिसभा सदस्य निर्वाचनमा सर्लाही जिल्लाका चारवटै निर्वाचन क्षेत्रबाट उम्मेदवारी दिएका पूर्वमन्त्रीसहित १२४ जनाको जमानत जफत भएको छ ।

निर्वाचन ऐनअनुसार कूल सदर मतको कम्तीमा १० प्रतिशत मत प्राप्त गर्न नसक्ने उम्मेदवारको जमानत जफत हुने व्यवस्था छ । मुख्य निर्वाचन अधिकृत पुष्पराज थपलियाका अनुसार ६८ स्वतन्त्रसहित धेरै उम्मेदवारले आवश्यक मत प्राप्त गर्न नसकेपछि उनीहरूको जमानत जफत भएको हो ।

सर्लाही क्षेत्र नम्बर १ मा नेपाली कांग्रेसका शम्भुलाल श्रेष्ठ बाहेक अन्य २८ उम्मेदवारको जमानत जफत भएको छ । यस क्षेत्रमा जमानत जोगाउन कम्तीमा ७ हजार ३८५ मत आवश्यक थियो । क्षेत्र नम्बर २ मा राष्ट्रिय मुक्ति पार्टी नेपालका अध्यक्ष तथा पूर्व उपप्रधानमन्त्री राजेन्द्र महतोसहित २९ उम्मेदवारको जमानत जफत भएको छ ।

त्यस्तै क्षेत्र नम्बर ३ मा ३४ उम्मेदवारमध्ये ३२ जनाको जमानत जफत भएको छ भने पूर्व गृहमन्त्री नारायणकाजी श्रेष्ठले १३ हजार ३३८ मत प्राप्त गर्दै जमानत जोगाएका छन् । निर्वाचन आयोगका अनुसार उम्मेदवारी दर्ता गर्दा राखिएको रकम १० प्रतिशतभन्दा कम मत ल्याउने उम्मेदवारको जफत भई राज्यकोषमा जाने कानुनी व्यवस्था रहेको छ । यसपटक निर्वाचित उम्मेदवारले ठूलो मतान्तरले जित्दा जमानत गुमाउने उम्मेदवारको संख्या उल्लेख्य रूपमा बढेको हो ।

थप समाचारहरु

सर्लाहीमा १२४ उम्मेदवारको जमानत जफत काठमाडौँ–१ मा २६ उम्मेदवारको जमानत जफत आज उम्मेदवारको नाम सार्वजनिक गर्दै निर्वाचन आयोग धनुषा–३ बाट उम्मेदवारी दिएका पत्रकार दिवाकर साहको जमानत जफत, पुनः पत्रकारितामा फर्किए आज प्रतिनिधि सभा निर्वाचनमा उम्मेदवारको नामावली प्रकाशन गरिंदै आज र भोलि उम्मेदवारको मनोनयन दर्ता गरिँदै