संसद् बैठक ढिला भएकोमा हर्कराज साम्पाङको आक्रोश

काठमाडौँ । श्रम संस्कृति पार्टीका सांसद हर्कराज राई (हर्क साम्पाङ) ले प्रतिनिधिसभा बैठक तोकिएको समयभन्दा ढिला सुरु भएकोमा असन्तुष्टि व्यक्त गरेका छन् । बिहीबारको पहिलो संसद् बैठकमा बोल्दै उनले समयको पालना नगर्ने प्रवृत्तिले नै देश पछाडि परेको भन्दै देश बनाउनुअघि सांसदहरूले आफूले आफैँलाई परिवर्तन गर्नुपर्नेमा जोड दिए ।

बैठक ढिला भएको प्रसङ्ग उठाउँदै सांसद राईले जनताले जनप्रतिनिधिलाई काममा ढिलासुस्ती गर्न नपठाएको स्मरण गराए ।

देश विकासको सुरुवात समयको कदर र अनुशासनबाटै हुनुपर्ने भन्दै उनले संसदको आगामी बैठकहरूमा समयमै उपस्थित हुन सबैको ध्यानाकर्षण गराए । उनले सभामुखमार्फत माग राख्दै भने, ‘आउँदा दिनमा बैठक सुरु हुनुभन्दा ५ मिनेटअघि नै सबै उपस्थित हुनुपर्छ । म यो माग राख्न चाहन्छु ।

सांसद राईले देशको सर्वोच्च कानुन बनाउने थलो संसदमै पनि विभेद कायम रहेको बताए ।

थप समाचारहरु

हर्क साम्पाङको पार्टीले दल दर्ताको प्रमाणपत्र पायो कोशीमा रास्वपालाई हर्क साम्पाङको अवरोध, ६ निर्वाचन क्षेत्रमा उत्साहजनक नतिजा प्रतिपक्षमा रहेर रचनात्मक भूमिकामा सरकारलाई सहयोग गर्ने हर्क साम्पाङको भनाई संसद् बैठक १५ मिनेट ढिलोगरी सुरु भयो आज काठमाण्डौँमा हर्क साम्पाङको र्‍याली हर्क साम्पाङको क्षेत्रमा मतगणना सुरु