दाक्सु मिडिया
२०८२ माघ २४
कञ्चनपुर — कृष्णपुर नगरपालिका–१ चुरे फेदीको दोमिल्लामा स्थानीय बस्तीमा बाघले आतंक सिर्जना गरेको छ। विगत पाँच दिनदेखि अम्रिसो बगान नजिकैको क्षेत्रमा डमरुसहितको बाघले बाख्रा र कुकुर तानेर मार्न थालेको छ।
सामुदायिक वनका अध्यक्ष ईश्वर बुढाका अनुसार हालसम्म कमल बागका बाख्रा र धर्मसिंह महरा तथा प्रेमबहादुर रावतका कुकुर बाघको शिकार बनेका छन्। बाघ बस्ती नजिकै देखा परेपछि सामुदायिक वन प्रवेशमा रोक लगाइएको छ।
स्थानीयलाई उच्च सतर्कता अपनाउन र जीउधनको सुरक्षा सुनिश्चित गर्न सम्बन्धित निकायमा जानकारी दिइसकिएको छ।
तपाईको प्रतिक्रिया दिनुहोस्