अत्यावश्यकबाहेक नारायणगढ–मुग्लिन–मलेखु सडकखण्डमा यात्रा नगर्न अनुरोध

काठमाडौं । अविरल वर्षाका कारण पहिरोको जोखिम बढेपछि चितवन जिल्ला प्रशासन कार्यालयले नारायणगढ–मुग्लिन र मुग्लिन–मलेखु सडकखण्डमा अत्यावश्यकबाहेक यात्रा नगर्न आग्रह गरेको छ।

प्रमुख जिल्ला अधिकारी गणेश अर्यालका अनुसार तुइनभिरलगायत क्षेत्रमा खसेको पहिरो हटाइए पनि अझै उच्च जोखिम कायम छ।

• 

आवश्यक परे सावधानीपूर्वक यात्रा गर्न र यात्रा अघि सम्बन्धित प्रहरी कार्यालयबाट जानकारी लिन पनि प्रशासनले अनुरोध गरेको छ।