विद्यार्थीलाई विद्यालय पोशाक वितरण

२५ जेठ , धादिङ – धादिङको बेनिघाटमा रहेको चन्द्रोदय माध्यमिक विद्यालयका २४ जना विद्यार्थीलाई विद्यालयको पोशाक वितरण गरिएको छ । बेनिघाट रोराङ ३ करमखोलामा सञ्चालित ब्लु हेबन रेस्टुरेन्टका सञ्चालक प्रदिप थापाले बिद्यार्थीहरुलाई पोशाक सहयोग गर्नुभएको हो ।
विद्यालयका अति विपन्न र जेहेन्दार विद्यार्थीलाई कपडा वितरण गरिएको थियो । सरकारले निशुल्क शिक्षा वितरण गदै आएको भएपनि विद्यालय पोशाक किन्न समेत गाह्रो पर्ने अभिभावक भएकोले यस्तो सहयोग सबैले गर्नुपर्ने विद्यालयका प्रधानाध्यापक पार्वति सेढाई कँडेलले बताउनुभयो । विद्यालय पोशाक पाएपछि विद्यार्थीहरु हर्षित भएका थिए ।
विगत लामो समय देखी होटल व्यवसाय गर्दै आउनुभएका थापाले सहयोग गर्न कुनै विशेष दिन नचाहिने भन्दै मन भए पुग्ने बताउनुभयो । आर्थिक कारणले कुनै पनि बालबालिकाले शिक्षाको पहुँचबाट टाढा रहन नपरोस भन्दै उहाँले आगामी दिनमा पनि आफु सहयोग गर्न तयार रहेको बताउनुभयो ।

थप समाचारहरु

पेल्माङ आधारभूत विद्यालयका विद्यार्थीहरुलाई शैक्षिक सामग्री वितरण तनहुँमा चार महिनापछि विद्यालय खुले, भाैतिक उपस्थितिमै पठनपाठन विद्यार्थीलाई मनोमानी अंक दिएपछि एसईईको नतिजामा ढिलाइ २४ विद्यालय छानबिनको घेरामा ?? विद्यार्थीलाई विद्यालयमै टपरी र चकटी बनाउने सीप चन्द्रोदय आधारभुत विद्यालय लाई २ कोठे भवन हस्तान्तरण भूकम्पले क्षति पुर्‍याएका १५६ विद्यालय भवन पुनःनिर्माण