विद्यार्थीका जफत मोबाइल सुरक्षित राख्न अदालतको निर्देशन

काठमाडौँ, जेठ २८ । सर्वोच्च अदालतले परीक्षा केन्द्रबाट जफत गरिएका विद्यार्थीका मोबाइल फोन तथा तिनमा रहेका डाटा नष्ट नगर्न सम्बन्धित निकायलाई अन्तरिम आदेश दिएको छ।

सिरहामा एसईई र कक्षा १२ परीक्षाका क्रममा संकलन गरिएका मोबाइल नष्ट गरिएको विषय अदालतमा पुगेपछि उक्त आदेश जारी भएको हो। अदालतले मुद्दाको अन्तिम निर्णय नआउञ्जेल जफत सामग्री सुरक्षित राख्न र कुनै पनि प्रकारले क्षति नपुर्‍याउन निर्देशन दिएको छ।

• 

• 

रिट निवेदकहरूले मोबाइलसँगै महत्त्वपूर्ण व्यक्तिगत डाटा नष्ट हुँदा ठूलो आर्थिक तथा व्यक्तिगत क्षति हुने भन्दै अदालतको ध्यानाकर्षण गराएका थिए। यस विषयमा थप कानुनी प्रक्रिया अघि बढ्ने जनाइएको छ।