बागमतीमा रास्वपाको संगठन विस्तार, ९ जिल्लामा अधिवेशन सम्पन्न

काठमाडौं । राष्ट्रिय स्वतन्त्र पार्टी (रास्वपा) ले बागमती प्रदेशका १३ मध्ये ९ जिल्लामा जिल्ला अधिवेशन सम्पन्न गरेको छ।

पार्टीका अनुसार चितवन, रसुवा र ललितपुरमा आज अधिवेशन जारी छ भने सिन्धुपाल्चोकमा हिजो सुरु भएको अधिवेशन आन्तरिक विवादका कारण स्थगित भएको छ।

• 

• 

हालसम्म सम्पन्न अधिवेशनबाट विभिन्न जिल्लामा नयाँ नेतृत्व चयन गरिएको रास्वपाले जनाएको छ।

निर्वाचित सभापतिहरूमा काठमाडौंमा राजा शाक्य, भक्तपुरमा रामेश्वर बस्नेत, काभ्रेपलाञ्चोकमा प्रबिन ढकाल र सिन्धुलीमा अविनाश बस्नेत चयन भएका छन्।

त्यस्तै रामेछापमा रमेश रायमाझी, दोलखामा दिनेश बस्नेत, नुवाकोटमा रामेश्वर गजुरेल, धादिङमा राजन अर्याल र मकवानपुरमा सन्जिव पाठक जिल्ला सभापति बनेका छन्।