अवैध नदीजन्य उत्खनन नियन्त्रणमा प्रहरीको कडाइ, तीन सवारीसाधन नियन्त्रणमा

बाँके जिल्लामा नदी तथा खोलाबाट हुने अवैध माटो र नदीजन्य पदार्थ उत्खनन रोक्न प्रहरीले निगरानी कडा बनाएको छ। जिल्ला प्रहरी कार्यालय बाँकेका अनुसार राप्ती नदीसहित विभिन्न क्षेत्रमा भइरहेको अवैध उत्खनन र ढुवानी नियन्त्रण गर्न नियमित अनुगमन बढाइएको छ।

कोहलपुर नगरपालिका–७ लखनहवा र बैजनाथ गाउँपालिका–२ जब्दहवा क्षेत्रमा गरिएको अनुगमनका क्रममा अवैध उत्खननमा प्रयोग भएका एक जेसिबी, एक टिपर र एक ट्याक्टर प्रहरीले नियन्त्रणमा लिएको छ।

• 

• 

• 

नियन्त्रणमा लिइएका सवारीसाधनलाई आवश्यक कानुनी कारबाहीका लागि सम्बन्धित निकायमा पठाइएको प्रहरीले जनाएको छ। स्थानीय गुनासोका आधारमा प्राकृतिक स्रोतको अवैध दोहन रोक्न निगरानी थप कडा पारिने प्रहरीको भनाइ छ।