गोरखाका जिल्ला उपसभापति इमानसिंह बस्नेतमाथि कारबाही प्रक्रिया सुरु

काठमाण्डौँ । नेपाली कांग्रेस गोरखाका जिल्ला उपसभापति इमानसिंह बस्नेतमाथि कारबाही प्रक्रिया अघि बढाइएको छ ।

उनले कांग्रेसप्रति अभिरुचि बन्द भयो भन्दै फेसबुक स्टाटस लेखेका थिए ।

• 

• 

• 

यद्यपि, उनले अहिले सो स्टाटस हटाइसकेका छन। तर, पार्टीको अनुशासन समितिले ३ दिने स्पष्टीकरण सोधेको छ ।

स्पष्टीकरणमा भनिएको छ, ‘तपाईँले उक्त पोस्ट किन गर्नुभएको हो,, यस्तो गैर जिम्मेवार अभिव्यक्तिले पार्टी अनुशासन उल्लंघन भए वापत तपाईँलाई कारबाही किन नगर्ने ?’

तोकिएको समयमा चित्तबुझ्दो जवाफ नआए पार्टीको विधान र नियमावली अनुसार कारबाही प्रक्रिया अघि बढ्ने उल्लेख छ ।