आजदेखि सरकारी कार्यालयको समय फेरियो

काठमाडौं । सरकारले आजदेखि सरकारी कार्यालयको समय परिवर्तन गर्दै बिहान ९ बजेदेखि बेलुकी ५ बजेसम्म सञ्चालन गर्ने व्यवस्था लागू गरेको छ।

मन्त्रिपरिषद्को निर्णयअनुसार लागू गरिएको नयाँ समयतालिकाले पुरानो १० बजे सुरु हुने प्रणालीलाई प्रतिस्थापन गरेको हो।

• 

• 

• 

यस कदमलाई इन्धन खपत घटाउने र कार्यसम्पादन प्रभावकारी बनाउने उद्देश्यसँग जोडिएको छ। निर्णय राजपत्रमार्फत सार्वजनिक भइसकेको छ।

यसअघि पनि सरकारले कार्यालय समय परिवर्तनको अभ्यास गरिसकेको भए पनि अहिलेको व्यवस्था पुनः लागू गरिएको हो।