मधेश नेतासँग लामिछानेको संवाद, विकासमा सहकार्यमा जोड

काठमाण्डौँ । राष्ट्रिय स्वतन्त्र पार्टीका सभापति रवि लामिछानेले मधेश केन्द्रित नेताहरूसँग संवाद सुरु गरेका छन् । मंगलबार उनले लोसपाका अध्यक्ष महन्थ ठाकुर र आजपाका अध्यक्ष प्रभु साहसँग छुट्टाछुट्टै भेटवार्ता गरे ।

भेटमा वर्तमान राजनीतिक अवस्था, मधेशको विकास र प्राथमिकताका योजनाबारे छलफल भएको छ। समग्र विकासका लागि सहकार्य गरेर अघि बढ्ने विषयमा सबै पक्ष सहमत भएका छन् ।

• 

साहसँगको भेटमा सरकारले मधेशलाई प्राथमिकतामा राखेर काम गर्ने प्रतिबद्धता व्यक्त गरिएको छ । साथै, देशमा देखिएको परिवर्तनको चाहनालाई आत्मसात् गर्दै सहकार्यमा अघि बढ्ने सहमति भएको बताइएको छ ।

भेटका क्रममा सरकारले राम्रो काम गरे समर्थन र कमजोरी भए खबरदारी गर्ने धारणा पनि राखिएको छ ।