दाक्सु मिडिया
फाल्गुन ६, २०८२
काठमाडौँ, फागुन ६ – विश्वव्यापी रूपमा युट्युब सेवामा समस्या देखिँदा तीन लाखभन्दा बढी प्रयोगकर्ता प्रभावित भएका छन्। मोबाइल एप र वेबसाइट दुवैमा होमपेज, सर्ट्स तथा सब्स्क्रिप्सन फिड नखुल्ने गुनासो व्यापक बनेको छ।
सेवा निगरानी गर्ने प्लेटफर्म डाउनडिटेक्टरका अनुसार छोटो समयमै तीन लाखभन्दा बढी प्रयोगकर्ताले युट्युब नचलेको रिपोर्ट गरेका छन्। समस्या अचानक सुरु भई विभिन्न देशमा फैलिएको जनाइएको छ।
प्रारम्भिक परीक्षणमा मुख्य प्लेटफर्ममा अवरोध देखिए पनि युट्युब म्युजिक र युट्युब टिभीमा भने ठूलो समस्या नदेखिएको बताइएको छ। साथै, प्रत्यक्ष लिंक वा अन्य वेबसाइटमा इम्बेड गरिएका भिडियोहरू भने चलिरहेको पाइएको छ।
हालसम्म मातृ कम्पनी गुगलले आधिकारिक प्रतिक्रिया सार्वजनिक गरेको छैन। समस्या समाधानका लागि प्राविधिक टोली सक्रिय रहेको अनुमान गरिएको छ।
तपाईको प्रतिक्रिया दिनुहोस्