नेपालको चुनावी नतिजा बंगलादेशजस्तै हुन सक्ने ओलीको दाबी

काठमाडौँ — नेकपा (एमाले)का अध्यक्ष केपी शर्मा ओलीले नेपालमा पनि बंगलादेशको जस्तै चुनावी परिणाम आउन सक्ने बताएका छन्।

आइतबार भद्रपुर विमानस्थलमा सञ्चारकर्मीसँग कुराकानी गर्दै उनले बंगलादेशमा आन्दोलनबाट आएको दलले कम सिट जितेको र पुराना दल बलियो रूपमा उदाएको उदाहरण दिँदै नेपालमा पनि त्यस्तै परिस्थिति देखिन सक्ने उल्लेख गरे।

• 

• 

चुनावी अभियानका लागि झापा पुगेका ओली झापा–५ बाट प्रतिनिधि सभा सदस्यका उम्मेदवार हुन्। उनले आफ्नो निर्वाचन क्षेत्रमा मतदातासँग भेटघाट र घरदैलो कार्यक्रमलाई तीव्र बनाउने बताए।

ओलीले चुनावको वातावरण सरकारले बनाउने भन्दै अब निर्वाचन हुने आशा बढेको पनि बताए। “चुनाव भए हामी सहभागी हुन्छौँ,” उनले स्पष्ट पारे।