ओलीको कटाक्ष : ‘आकाशे राजनीति गरेर देश बन्न्दैन’

नेकपा एमालेका अध्यक्ष केपी शर्मा ओलीले आगामी निर्वाचन देश बनाउने र बिगार्ने शक्तिबीचको प्रतिस्पर्धा भएको बताएका छन्। शनिबार काठमाडौंमा आयोजित कार्यकर्ता भेलामा बोल्दै उनले निर्वाचनमा देश हार्न नहुने धारणा राखे।

झापा क्षेत्र नम्बर ५ मा आफ्नो प्रतिस्पर्धीतर्फ संकेत गर्दै ओलीले संगठन, उद्देश्य र विचारविहीन राजनीति ‘बतासे खेती’ जस्तै भएको टिप्पणी गरे। सामाजिक सञ्जालको भरमा चलेको राजनीतिक गतिविधिबाट देश नबन्ने उनको भनाइ थियो।

• 

ओलीले एमाले जनताबीच रहेर काम गर्ने पार्टी भएको दाबी गर्दै देशलाई समृद्ध, सुरक्षित र जनतालाई सुखी बनाउने लक्ष्यबाट आफूहरू नहट्ने स्पष्ट पारे।