दाक्सु मिडिया
मंसिर ६, २०८२
काठमाडौँ । जेनजी आन्दोलनपछि प्रतिनिधि सभा विघटन र नयाँ निर्वाचन घोषणा भएको बीचमा देशभरका करिब ८ लाख ३७ हजार नयाँ मतदाताको नाम दर्ता भएको छ।
निर्वाचन आयोगका अनुसार ९ असोजदेखि ५ मंसिरसम्म खुलेको नामावली संकलनमा पुरुष ४ लाख ७३ हजार ३४५, महिला ३ लाख ६३ हजार ७७८ र अन्य ६१ जना मतदाता थपिएका छन्।
यस अवधिमा आयोगको नियमित प्रक्रियामार्फत ३ लाख ४४ हजार ९१४ र राष्ट्रिय परिचयपत्रको बायोमेट्रिक प्रणालीमार्फत ४ लाख ९२ हजार १८० जना नयाँ मतदाता सूचीकृत भएका छन्।
यो अघि १६ कात्तिकसम्म कुल मतदाता संख्या १ करोड ८१ लाख ६८ हजार २३० रहेको थियो।
तपाईको प्रतिक्रिया दिनुहोस्