दाक्सु मिडिया
२०८२ कार्तिक २५
काठमाडौं । काभा यू–१९ महिला च्याम्पियनसिपको उपविजेता बनेको नेपाली यू–१९ राष्ट्रिय महिला भलिबल टोली गएराती स्वदेश फर्किएको छ। टोलीलाई त्रिभुवन अन्तर्राष्ट्रिय विमानस्थलमा नेपाल भलिबल संघका अध्यक्ष नितेन्द्र बहादुर चन्दलगायत संघका पदाधिकारीहरूले स्वागत गरेका थिए।
नेपाली टोलीले प्रतिस्पर्धात्मक फाइनल खेलमा कीर्गिस्तानसँग पाँच सेटसम्मको रोमाञ्चक संघर्षपछि पराजय व्यहोरेको थियो। फाइनलमा हार्दा पनि उत्कृष्ट प्रदर्शनका कारण नेपाल उपविजेताको उपाधि जित्न सफल भएको थियो।
यस प्रतियोगितामा नेपाली खेलाडीहरूको प्रदर्शनले देशको महिला भलिबलको स्तरमा नयाँ उत्साह ल्याएको बताइन्छ। नेपाल भलिबल संघले आगामी प्रतियोगिताहरूका लागि टोलीलाई थप प्रशिक्षण र तयारीका अवसर उपलब्ध गराउने जनाएको छ।
तपाईको प्रतिक्रिया दिनुहोस्