दाक्सु मिडिया
काठमाण्डौँ । मधेश प्रदेशमा सबैभन्दा ठूलो दलको हैसियतमा एमाले संसदीय दलका नेता सरोज कुमार यादव मुख्यमन्त्री नियुक्त भएको घटनालाई ‘निन्दनीय’ भएको नेपाली कांग्रेसले जनाएको छ ।
यसले नागरिकमा संघीयताप्रति थप वितृष्णा बढाउन सघाउने कांग्रेसको आशंका छ ।
कांग्रेस महामन्त्री विश्वप्रकाश शर्माले फेसबुकमार्फत धारणा सार्वजनिक गर्दै भनेका छन्, ‘मधेश प्रदेशमा भएको अ–राजनीति दुःखद छ । नागरिक पंक्तिमा संघीयताप्रति थप वितृष्णा बढाउन सघाउने घटना निन्दनीय छ ।’
मधेश प्रदेश प्रमुख सुमित्रा सुवेदी भण्डारीले संविधानको धारा १०३ बमोजिम एमाले दलका नेता सरोज कुमार यादवलाई कात्तिक २३ गतेको पत्रमा आज बिहान मुख्यमन्त्री पदमा नियुक्त गरेकी थिइन् ।
अस्वस्थ भएकाले काठमाडौं जान्छु भन्दै आज बिहान निवासबाट निस्किएकी प्रदेश प्रमुख भण्डारीले महोत्तरीको बर्दिबासस्थित पानस होटलमा एमाले नेता यादवलाई मुख्यमन्त्री पदको शपथ खुवाएकी थिइन् ।
कांग्रेस महामन्त्री शर्माले संविधानको धारा १६८९२० को सरकार बन्ने संभावना छँदै संविधानको धारा १६८ को उपधारा ३ बमोजिम नयाँ सरकार गठन गरिएकोमा विरोध जनाएका छन् ।
थप समाचारहरु
मधेस प्रदेशमा नयाँ सरकार गठनसँगै तीन जना मन्त्री नियुक्त
कांग्रेस-एमालेले संविधानको सफल कार्यान्वयन गर्नेछन्: सिटौला
पहिलो महिला मुख्यमन्त्रीको रुपमा शाक्यले लिइन् शपथ
सर्वोच्चको परमादेश: देउवालाई २८ घण्टाभित्र प्रधानमन्त्री नियुक्त गरिनु पर्ने
लुम्बिनीमा नयाँ सरकार गठनको आह्वान, बिहिबार दिउँसो तीन बजेसम्मको समय
कोसीमा राजनीतिक अस्थिरता, साढे ६ महिनामै ढले दुई सरकार
तपाईको प्रतिक्रिया दिनुहोस्