दाक्सु मिडिया
काठमाण्डौँ । नेपाल कम्युनिस्ट पार्टी (माओवादी केन्द्र) को नाम, चुनाव चिन्ह, झन्डा र मार्गदर्शक सिद्धान्त ‘माओवाद’ लाई यथावत् राख्न माग गर्दै निर्वाचन आयोगमा निवेदन दर्ता भएको छ।
सहिद सन्तति सन्दीप पुनसहित जनार्दन शर्मा नेतृत्वको प्रगतिशील राष्ट्रिय अभियानका नेताहरू शुक्रबार आयोग पुगेर निवेदन दर्ता गराएका हुन् ।
अभियानका नेता रजमान तामाङले महाधिवेशनको मिति घोषणा भइसकेकाले हाल नेपाली कम्युनिस्ट पार्टी बनाएका प्रचण्डले दीर्घकालीन असर पर्ने निर्णय गर्न नसक्ने जिकिर गर्दै पार्टीको पहिचान फ्रिज नगर्न आयोगलाई आग्रह गरिएको जानकारी दिएका छन् ।
निवेदनमा पार्टीको वर्तमान कार्यसमिति ‘महाधिवेशन आयोजक समिति’ मात्र भएको र विधानअनुसार यो केवल कामचलाउ प्रकृतिको रहेको दाबी गरिएको छ।
पार्टीको नाम, झन्डा र चुनाव चिन्हलाई ऐतिहासिक जनयुद्ध र हजारौँ सहिद, घाइते तथा बेपत्ताहरूको योगदानसँग जोडिएको तामाङले बताएका छन् । यी पहिचानहरू पार्टीको विधान विपरीत गएर कसैले परिवर्तन गर्न नसक्ने र यसमा बाहिरी दबाब तथा प्रभावबाट आयोग प्रभावित हुन नहुनेमा निवेदकमा जोड दिइएको छ । निवेदनको दर्ता नम्बर ६५३ रहेको छ ।
थप समाचारहरु
निर्वाचन आयोगमा १२५ दल दर्ता, १७ दल दर्ता प्रक्रियामा
कारबाही रोक्न माग गर्दै एमालेका सांसदले पठाए हुलाकबाट निवेदन
दलको संख्या १ सय २४ वटा पुग्यो, थप १७ वटा दर्ता हुने क्रममा
एमाले फुट्यो: माधवको अध्यक्षतामा एमाले समाजवादी दर्ता गर्न निवेदन
रास्वपाको महामन्त्री र प्रवक्ता पदमा कायम रहेको भन्दै मुकुलले दिए निर्वाचन आयोगमा निवेदन
सर्वाेच्चमा पुनरवलोकनको निवेदन दिदै नेकपा माओवादी केन्द्र
तपाईको प्रतिक्रिया दिनुहोस्