दाक्सु मिडिया
कार्तिक ८, २०८२
काठमाडौं । बाँके जिल्लाको राप्ती सोनारी गाउँपालिका–९ ढकेरीका ४० वर्षीय इन्द्रबहादुर खत्रीको जंगली जनावरको आक्रमणबाट मृत्यु भएको छ।
खत्री शुक्रबार रिम्ना सामुदायिक वनमा घाँस काट्न गएका थिए र राति घर नफर्किएपछि शनिबार बिहान खोजी गर्ने क्रममा जंगलभित्र उनको शव फेला परेको हो।
स्थानीयका अनुसार शवको एउटा खुट्टा छिनालिएको अवस्थामा भेटिएको र बाघको आक्रमण हुनसक्ने अनुमान गरिएको छ।
प्रहरीले घटनाको अनुसन्धान जारी राखेको र कुन जनावरको आक्रमणबाट मृत्यु भएको हो भन्ने पुष्टि अनुसन्धानपछि मात्र हुने जनाएको छ।
स्थानीयले बाँके राष्ट्रिय निकुञ्जका अधिकारीहरू ढिलो घटनास्थल पुग्नुलाई लिएर असन्तुष्टि व्यक्त गरेका छन्।
तपाईको प्रतिक्रिया दिनुहोस्