बस दुर्घटना: १ को मृत्यु, २० घाइते

१७ असोज, जनकपुरधाम — महोत्तरीको बर्दिबास नगरपालिका–खैरमारामा आज बिहान बस दुर्घटना हुँदा एक वृद्धको मृत्यु भएको छ भने २० जना घाइते भएका छन्। घाइतेमध्ये ४ जनाको अवस्था गम्भीर छ।

काठमाडौंतर्फ जाँदै गरेको ना ६ ख १४६३० नम्बरको बस सडकमा पल्टिएको हो। दुर्घटनामा परी स्थानीय ८० वर्षीय चुल्हाइ चौधरीको मृत्यु भएको इलाका प्रहरी कार्यालय बर्दिबासले जनाएको छ।

• 

एकजना बसमा च्यापिएका छन् भने घाइतेहरुको उद्धार गरी उपचारका लागि अस्पताल पठाइएको छ। दुर्घटनाको कारण खुल्न बाँकी रहेको र अनुसन्धान भइरहेको प्रहरीले जानकारी दिएको छ।