दाक्सु मिडिया
काठमाडौँ : जनता समाजवादी पार्टी (जसपा)नेपालले सामाजिक सञ्जालका साथै सञ्चारमाध्यममा पार्टीविरुद्ध लेख्न तथा बोल्न रोक लगाएको छ । पार्टीका कार्यकारिणी समितिको बैठकपछि महासचिव लालबाबु राउतले जारी गरेको परिपत्रमा पार्टी वा पार्टीसँग आबद्ध सङ्गठनका पदाधिकारी एवं सदस्यहरूले पार्टी हितलाई आघात पुग्ने गरी फेसबुक, ट्विटर लगायतका सामाजिक सञ्जाल वा सार्वजनिक सञ्चारमाध्यमका लेख्न र बोल्न रोक लगाइएको उल्लेख छ ।
परिपत्रमा भनिएको छ, ‘पार्टी वा पार्टीसँग आबद्ध सङ्गठनका पदाधिकारी एवं सदस्यहरूद्वारा पार्टी हितलाई आघात पुग्नेगरी वा पार्टी अनुशासन एवं आचारसंहिता विपरीत फेसबुक, ट्विटर लगायतका सामाजिक सञ्जाल वा सार्वजनिक सञ्चार माध्यममा लेख्ने, बोल्ने वा पार्टीहीत विपरीत कार्य गर्नेलाई मातहतका पार्टी समितिले पार्टी विधान बमोजिम कारबाही गर्ने निर्णय गरियो ।’ यसअघि समेत अध्यक्ष उपेन्द्र यादवले सामाजिक सञ्जाल प्रयोगमा कडाइ गरेका थिए ।
थप समाचारहरु
अस्ट्रेलियामा बालबालिकालाई सामाजिक सञ्जालमा प्रतिबन्ध लगाउन संसद्मा विधेयक पेस
म्यान्मारमा सेनाद्वारा फेसबुकलगायत सामाजिक सञ्जाल बन्द
सरकारको अल्टिमेटम: ७ दिनभित्र दर्ता नभए सामाजिक सञ्जाल बन्द गरिने
सामाजिक सञ्जालमा आउने गाली ह्वात्तै घट्यो : अध्यक्ष दाहाल
जसपा नेपालद्वारा आङकाजी शेर्पाविरुद्ध उजुरी, फर्निचर लिएको आरोप
सामाजिक सञ्जाल दुरुपयोग विरुद्ध पुलिसको चेतावनी
तपाईको प्रतिक्रिया दिनुहोस्