दाक्सु मिडिया
काठमाडौं – नेपाल राष्ट्र बैंकले शुक्रबारका लागि नयाँ विदेशी मुद्राको विनिमयदर सार्वजनिक गरेको छ। केन्द्रीय बैंकका अनुसार अमेरिकी डलरको भाउ बढेर नयाँ खरिददर रु. १४१.६२ र बिक्रीदर रु. १४२.२२ पुगेको छ। बिहीबार यसअघि खरिददर रु. १४०.८२ र बिक्रीदर रु. १४१.४२ रहेको थियो।
यस्तै, युरोको खरिददर रु. १६४.३९ र बिक्रीदर रु. १६५.०८, पाउण्ड स्ट्रलिङको खरिददर रु. १८६.७३ र बिक्रीदर रु. १८७.५२, तथा स्वीस फ्रयाङ्कको खरिददर रु. १७७ र बिक्रीदर रु. १७७.७५ तोकिएको छ।
अन्य प्रमुख मुद्रामा अष्ट्रेलियन डलर रु. ९२.९३–९३.३२, क्यानाडियन डलर रु. १०१.३७–१०१.८०, र सिङ्गापुर डलर रु. १०८.९७–१०९.४३ कायम गरिएको छ।
जापानी येन (१०) को खरिददर रु. ९.२० र बिक्रीदर रु. ९.२४, चिनियाँ युआनको रु. १९.९१–२०, तथा साउदी रियालको रु. ३७.७६–३७.९२ निर्धारण गरिएको छ।
त्यस्तै, भारतीय रुपैयाँ (१००) को खरिददर रु. १६० र बिक्रीदर रु. १६०.१५ तोकिएको छ।
राष्ट्र बैंकले आवश्यक परे विनिमयदर कुनै पनि समयमा संशोधन गर्न सकिने जनाएको छ भने वाणिज्य बैंकहरूले तोक्ने दरमा केही फरक हुन सक्ने चेतावनी दिएको छ। अद्यावधिक दर राष्ट्र बैंकको वेबसाइटमा उपलब्ध हुने जनाइएको छ।
तपाईको प्रतिक्रिया दिनुहोस्