दाक्सु मिडिया
२०७८ आश्विन २२
मुम्बई । क्रुज लागुऔषध पाटी मामलामा शाहरुख खान र गौरी खानका छोरा आर्यन खान हाल एनसीबीको हिरासतमा छन् । आज आर्यनको जमानत निवेदनमाथि सुनुवाई हुँदैछ ।
आज गौरीको जन्मदिन हो । तर उनी छोराको कारण जन्मदिन नमनाउने निर्णयमा पुगेकी छन् । यद्यपि उनका साथीहरुले गौरीको जन्मदिनका लागि एक ठूलो उत्सव आयोजना गर्ने योजना बनाएका थिए । तर छोरा एनसीबीको हिरासतमा रहेकाले गौरीले सबै उत्सव रद्द गरेकी छन् ।
‘यो गौरीको हालसम्मकै सबैभन्दा दुःखद जन्मदिन हो । उनको छोरा उनीबाट टाढा छन् । उनी अहिले विचलित अवस्थामा छिन् । हामीले पनि उनलाई जन्मदिनको शुभकामना दिएका छैनौं । आर्यनलाई जमानत मिल्यो भने मात्र उनका लागि यो जन्मदिनको विशेष उपहार हुनेछ’, गौरी निकट स्रोतले भनेको छ ।
तपाईको प्रतिक्रिया दिनुहोस्