दाक्सु मिडिया
२०८२ माघ १४
काठमाण्डौ । चालु आर्थिक वर्षको पहिलो पाँच महिनामा बैंकहरूले कार्यालय सञ्चालन खर्च घटाएका छन्। राष्ट्र बैंकको तथ्यांकअनुसार वाणिज्य र विकास बैंकहरूले मंसिरसम्म कुल १६ अर्ब ५६ करोड रुपैयाँ खर्च गरेका छन्, जुन गत वर्षको सोही अवधिको तुलनामा ०.८७ प्रतिशत कम हो।
बैंकहरूले खर्च कटौती रणनीति अपनाउँदै शाखा गाभ्ने र समायोजन गर्ने नीतिको फाइदा उठाएका कारण खर्च घटेको बैंकरहरू बताउँछन्। वाणिज्य बैंकतर्फ ग्लोबल आइएमई बैंकको खर्च सबैभन्दा धेरै रहेको छ भने केही बैंकको खर्च बढे पनि अधिकांशको घटेको देखिन्छ।
यता विकास बैंकहरूको कार्यालय सञ्चालन खर्च भने ६.४३ प्रतिशतले बढेर १ अर्ब ९२ करोड रुपैयाँ पुगेको छ। विकास बैंकमध्ये मुक्तिनाथ विकास बैंकले सबैभन्दा बढी खर्च गरेको छ।
समग्रमा, बैंकहरू डिजिटल सेवा र संरचनागत सुधारमार्फत खर्च नियन्त्रणतर्फ उन्मुख देखिएका छन्।
तपाईको प्रतिक्रिया दिनुहोस्