एमालेका तीनवटै प्रतिवेदन पारित, सुब्बाको संयोजकत्वमा निर्वाचन आयोग गठन

काठमाडौं । नेकपा एमालेको विधान महाधिवेशनमा प्रस्तुत तीनवटै प्रतिवेदन सर्वसम्मले पास भएका छन् ।

शुक्रवारदेखि शुरू भएको महाधिवेशनको अन्तिम दिन आइतवार सबै प्रतिवेदनहरु पास भएका छन् ।।

शुक्रबार अध्यक्ष केपी शर्मा ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव र उपमहासचिव तथा संगठन विभाग प्रमुख विष्णुप्रसाद पौडेलले विधान संशोधन प्रस्ताव प्रस्तुत गरेका थिए।

• 

• 

• 

आइतबार प्रतिवेदन प्रस्तुतकर्ता तीनै जनाले जवाफ दिएका हुन्। प्रतिवेदनमाथि छलफलका लागि १० वटा समूह गठन गरिएका थिए। उनीहरुले उठाएका प्रश्नहरुमाथि ओली, पोरखेल र पौडेलले सम्बोधन गरेका थिए। जवाफपछि ती प्रतिवेदनहरु सर्वसम्मत ढंगबाट पारित भएको हो।

यस्तै एमालेले आगामी राष्ट्रिय महाधिवेशन सम्पन्न गर्न डा. विजय सुब्बाको संयोजकत्वमा १५ सदस्यीय निर्वाचन आयोग गठन गरेको छ । विधान महाधिवेशनमा आयोगका संयोजकसहित सदस्यहरुको नाम प्रस्ताव गरेका थिए ।

ओलीले आयोगको सदस्यमा महेश नेपाल, सानुराज पोखरेल, बाबुराम दाहाल, डा।कुन्सान लामा, रिता सिंखडा, रञ्जु ठाकुर, भरत पोखरेल रहेका छन् । त्यसैगरी अन्य सदस्यहरूमा टंक उप्रेती, सुमित्रा वीसी, पवित्रा निरौला, केवालाल चौधरी, विमला विक, लोकबहादुर थापा, र हिमकला गैरे रहेका छन् ।