गड्डाचौकी नाकामा लागूपदार्थदेखि विस्फोटकसम्म खोज्दै ‘अल्फा’ र ‘डेल्टा’

कञ्चनपुर । नेपाल–भारत सीमा नाकामा सुरक्षा जाँच थप कडा बनाउन कञ्चनपुरको गड्डाचौकीमा तालिमप्राप्त दुई कुकुर परिचालन गरिएको छ। सशस्त्र प्रहरीले ‘अल्फा’ र ‘डेल्टा’ नामका कुकुरसहित केनाइन शाखा स्थापना गरेर नियमित जाँच थालेको हो।

लेब्राडोर जातको ‘अल्फा’ले लागूपदार्थ र जर्मन सेफर्ड ‘डेल्टा’ले हातहतियार तथा विस्फोटक पदार्थ पहिचान गर्नेछन्।

• 

• 

• 

सशस्त्र प्रहरीका अनुसार पाँच जना दक्ष जनशक्तिसहित स्थापना गरिएको यो सुदूरपश्चिमकै पहिलो केनाइन शाखा हो। यसबाट सीमा क्षेत्रमा हुने आपराधिक गतिविधि नियन्त्रण तथा सुरक्षा निगरानी प्रभावकारी हुने अपेक्षा गरिएको छ।