मधेसमा हुलाकी राजमार्गको काम तीव्र, अधिकांश सडक कालोपत्र सम्पन्न

जनकपुरधाम — मधेस प्रदेशअन्तर्गत सिरहादेखि सर्लाहीसम्मको हुलाकी राजमार्ग निर्माण अन्तिम चरणमा पुगेको छ। यस खण्डमा ९० प्रतिशतभन्दा बढी सडक कालोपत्र भइसकेको छ भने २४ वटा पुल निर्माण सम्पन्न भएका छन्।

हुलाकी राजमार्ग निर्देशनालयका अनुसार ४०६.४३ किलोमिटर सडकमध्ये ३४७.६३ किलोमिटरमा कालोपत्र सकिएको छ। बाँकी सडक र पुल निर्माणको काम पनि तीव्र गतिमा अघि बढिरहेको छ।

• 

निर्देशनालयले चालु आर्थिक वर्षभित्र सम्पूर्ण निर्माण सम्पन्न गर्ने लक्ष्यसहित काम भइरहेको जनाएको छ। परियोजना पूरा भएपछि पूर्व–पश्चिम हुलाकी राजमार्गको कुल लम्बाइ १,७९२ किलोमिटर पुग्नेछ।