ईभी आयातमा फरक नतिजा : मुस्ताङ सफा, रसुवामा अनियमितता

काठमाडौं, असार ६ — भन्सार विभागको अनुगमनले मुस्ताङ नाकाबाट भित्रिएका विद्युतीय सवारीसाधनको आयात प्रक्रिया नियमअनुसार भएको निष्कर्ष निकालेको छ भने रसुवा भन्सारमा जाँचपास प्रक्रियासम्बन्धी गम्भीर कमजोरी फेला परेको जनाएको छ।

विभागका अनुसार मुस्ताङबाट आयात गरिएका ६४९ वटा विद्युतीय सवारीसाधन अभिलेख र सिसीटीभी फुटेजको अध्ययनपछि कानुनी प्रक्रिया पूरा गरी भित्रिएको पुष्टि भएको छ। तर रसुवा भन्सारमा केही सवारीसाधन भौतिक रूपमा नआउँदै कागजी प्रक्रियाका आधारमा जाँचपास गरिएको भेटिएको छ।

• 

अनियमिततामा संलग्न भएको आशंकामा तत्कालीन कार्यालय प्रमुखसहित १३ कर्मचारीमाथि विभागीय कारबाही प्रक्रिया अघि बढाइएको छ। साथै, सम्बन्धित कम्पनी र भन्सार प्रतिनिधिहरूमाथि पनि कानुनअनुसार आवश्यक कारबाहीको सिफारिस गरिएको विभागले जनाएको छ।