बालेन नेतृत्वको सरकारप्रति जनआक्रोश बढ्दै गएको प्रभु साहको आरोप

वीरगन्ज : वीरगन्जमा आयोजित पार्टी बैठकलाई सम्बोधन गर्दै आम जनता पार्टी (आजपा)का अध्यक्ष तथा पूर्वमन्त्री प्रभु साहले बालेन्द्र शाह नेतृत्वको सरकार असफल हुँदै गएको आरोप लगाएका छन्। उनले छोटो समयमै जनतामा निराशा बढेको दाबी गरे।

साहका अनुसार सरकारले सुशासन, सदाचार, विकास, रोजगारी, र राष्ट्रिय हितका विषयमा अपेक्षित परिणाम दिन नसकेको छ। उनले सेवा प्रवाहमा सुधारको सट्टा झन् समस्या बढेको, बजेटले जनताको अपेक्षा पूरा गर्न नसकेको र विकास निर्माणमा विभेद भएको आरोप लगाए।

• 

• 

उनले सरकारलाई सुशासन कायम गर्न असफल, पक्षपातपूर्ण र जनविरोधी नीति लिएको भन्दै कडा आलोचना गरे। साथै, मधेस क्षेत्र र वीरगन्जलाई उपेक्षा गरिएको भन्दै उनले असन्तुष्टि व्यक्त गरे।

सरकारको कामकारबाहीले जनतामा आशा भन्दा निराशा बढाएको उनको निष्कर्ष छ।