राप्रपाभित्रको विवादप्रति शाहीको कडा टिप्पणी

काठमाडौं, जेठ २० — राष्ट्रिय प्रजातन्त्र पार्टी (राप्रपा) भित्र जारी आन्तरिक विवादप्रति पार्टीका संसदीय दलका नेता ज्ञानेन्द्र शाही ले कडा असन्तुष्टि व्यक्त गरेका छन्।

शाहीले पार्टी अध्यक्ष राजेन्द्र लिङ्देन र महामन्त्री धवलशमशेर राणा बीचको विवादप्रति संकेत गर्दै सामाजिक सञ्जालमार्फत तीव्र टिप्पणी गरेका हुन्।

• 

उनले नेतृत्वबीचको खिचातानीले पार्टी संगठन, कार्यकर्ता र युवापुस्तामा निराशा बढाएको भन्दै आरोप–प्रत्यारोपको राजनीति अन्त्य गर्नुपर्ने बताएका छन्।

शाहीले अहिलेको अवस्था संघर्षभन्दा एकता आवश्यक रहेको उल्लेख गर्दै पार्टीभित्रको विवादले संगठन कमजोर बनिरहेको टिप्पणी गरेका छन्।