दाक्सु मिडिया
काठमाण्डौँ । रामेछापस्थित तामाकोशी नदीमा भएको बस दुर्घटनामा ज्यान गुमाउनेको संख्या १२ पुगेको छ ।
रामेछापका प्रमुख जिल्ला अधिकारी (सीडीओ) श्याम कृष्ण थापाले मृतकको संख्या १२ पुगेको जानकारी दिए ।
उनका अनुसार, बस खसेको स्थानमा खोजी गर्दा अहिले ६ वटा शव फेला परेको हो । यो सँगै मृतकको संख्या १२ पुगेको हो ।
सीडीओ थापाका अनुसार, ६ जनाको उपचारका क्रममा अस्पतालमा र ६ वटा शव घटनास्थलमा फेला परेको हो ।
काठमाडौंबाट रामेछापको धोबी हुँदै ओखलढुंगाको पोल्थलीका लागि छुटेको बस तामाकोशी नदीमा खसेको थियो । दुर्घटनामा परेर घाइते भएका ८ जनामध्ये ७ जनालाई धुलिखेल अस्पताल पठाइएको छ ।
आज बिहान रामेछापको मचानेटार भन्ने ठाउँबाट प्रदेश ०३–०१–९९५ ख ९९७५ नम्बरको बस तामाकोशी नदीमा खसेको प्रहरीले जनाएको छ ।
अरनिको यातायात समितिका अनुसार जडीबुटीबाट ५ जना र चाबहिलबाट ३ जना यात्रुले टिकट काटेका थिए । बाटोबाट अन्य थप यात्रु चढेनचढेको खुलेको छैन ।
सशस्त्र प्रहरीको गोताखोर टोलीले अहिले पनि खोजी जारी राखेको सीडीओ थापाले बताए ।
सडकबाट खसेको बस नदीमा डुबेको थियो ।
थप समाचारहरु
रामेछाप बस दुर्घटना अपडेटः मृतकको संख्या १० पुग्यो
अपडेटः मुगु बस दुर्घटनामा मृत्यु हुनेको संख्या २८ पुग्यो
रामेछाप बस दुर्घटनामा ११ जनाको उद्धार, ५ जना गम्भीर
पाल्पामा बस दुर्घटना: मृत्यु हुनेको सङ्ख्या ८ पुग्यो
काठमाडौंबाट ओखलढुंगा जाँदै गरेको बस तामाकोशी नदीमा खस्यो, ५ जनाको मृत्यु
बाढीपहिरो अपडेटः अहिलेसम्म मृत्यु हुनेको संख्या १ सय ४ पुग्यो
तपाईको प्रतिक्रिया दिनुहोस्