आज उच्च पहाडी क्षेत्रमा हल्का वर्षा र हिमपातको संकेत

काठमाडौं । नेपालमा हाल न्यून चापीय प्रणाली सक्रिय रहेकाले मौसम आंशिक बदली हुने देखिएको छ। जल तथा मौसम पूर्वानुमान महाशाखाका अनुसार आइतबार सुदूरपश्चिम र कर्णालीका केही स्थानमा वर्षा भएको छ।

दिउँसो उच्च पहाडी र हिमाली भू–भागमा बदली रहनेछ भने अन्य ठाउँमा आंशिक बदली हुने अनुमान छ। कोशी, गण्डकी र कर्णाली प्रदेशका केही उच्च पहाडी क्षेत्रमा हल्का वर्षा वा हिमपात हुन सक्ने सम्भावना छ।

• 

• 

पूर्वी तथा मध्य तराईमा बिहान हुस्सु लाग्ने देखिएको छ। राति पहाडी तथा हिमाली भू–भागमा आंशिक बदली रहँदा कोशी र गण्डकीका केही स्थानमा हल्का हिमपात वा वर्षा हुन सक्ने पूर्वानुमान गरिएको छ।