काठमाण्डौँ । एनआईसी एशिया बैंकले ५० प्रतिशत हकप्रद सेयर निष्कासन गर्ने भएको छ ।
बैंकले हाल कायम चुक्ता पुँजीको २ बराबर १ अनुपातमा हकप्रद सेयर निष्काशन गर्न नेपाल राष्ट्र बैंकसँग अनुमति माग गरेको छ ।
पुस २० गते बसेको बैंकको सञ्चालक समितिको बैठकले सो दरमा हकप्रद सेयर निष्काशन गर्ने निर्णय गरी राष्ट्र बैंकसँग अनुमति माग गरेको हो ।
हाल बैंकको चुक्ता पुँजी १४ अर्ब ९१ करोड ७५ लाख ६६ हजार ९२२ रुपैयाँ छ, जसअनुसार बैंकले ७ अर्ब ४५ करोड ८७ लाख ८३ हजार ५०० रुपैयाँ बराबरको ७ करोड ४५ लाख ८७ हजार ८३५ कित्ता हकप्रद सेयर निष्कासन गर्नेछ ।
नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो दरमा हकप्रद सेयर निष्काशन हुनेछ ।
बैंकले २०७६ सालदेखि नै हकप्रद सेयर जारी गरी पुँजीकोष माथिको सकस कम गर्ने प्रयास गर्दै आएको थियो । तर, राष्ट्र बैंकले भने वाणिज्य बैंकहरुलाई हकप्रद जारी गर्न नदिने रणनीति अपनाएको थियो ।

दाक्सु मिडिया





तपाईको प्रतिक्रिया दिनुहोस्