शुक्रबार सुनको मूल्यमा नयाँ रेकर्ड, कतिमा हुँदैछ कारोबार ?

काठमण्डौँ । नेपाली बजारमा आज सुनको मूल्यले फेरि नयाँ रेकर्ड राखेको छ । केही दिनयता लगातार बढिरहेको सुनको मूल्य आज अहिलेसम्मकै महँगो बनेको हो ।

नेपाल सुन चाँदी व्यवसायी संघका अनुसार आज प्रतितोला २ लाख ६९ हजार ३ सय रूपैयाँ तोकिएको छ । बिहीबार सुनको मूल्य प्रतितोला २ लाख ६७ हजार ५ सय रूपैयाँमा कारोबार भएको थियो । बिहीबारको तुलनामा शुक्रबार सुन प्रतितोला १८ सय रूपैयाँ बढेको हो ।

• 

• 

• 

यस्तै, शुक्रबार चाँदीको मूल्य पनि बढेको छ । बिहीबार तोलामा ४ हजार ४ सय रूपैयाँमा कारोबार भएको चाँदी शुक्रबार ४ हजार ५ सय ६५ रूपैयाँमा कारोबार भइरहेको छ । यो मूल्य अघिल्लो दिनको तुलनामा प्रतितोला एक सय ६५ रूपैयाँ बढेको हो।