बीबीसी प्रमुखको राजीनामा

काठमाण्डौँ । बीबीसीका डाइरेक्टर जनरल टिम डेभीले अमेरिकी राष्ट्रपति डोनाल्ड ट्रम्पको एक वृत्तचित्र (डकुमेन्ट्री) मा सम्पादन गरिएको भाषण चलाएपछि सुरु भएको विवादका कारण आइतबार आफ्नो पदबाट राजीनामा दिएका छन् ।

यो घटनामा बीबीसीका समाचार प्रमुख डेबोरा टर्नसले पनि राजीनामा दिएका थिए । उनीहरूमाथि पानोरामा कार्यक्रमको एक वृत्तचित्रमा ट्रम्पको भाषणलाई भ्रामक अर्थ लाग्ने गरी सम्पादन गरेको आरोप लागेको हो ।

ट्रम्पले सामाजिक सञ्जालमा बीबीसीका मानिसहरूलाई बेइमान भन्दै उनीहरूले आफ्नो उत्कृष्ट (परफेक्ट) भाषणलाई तोडमोड गरेको लेखेका छन् । उनले यसलाई लोकतान्त्रका लागि धेरै खराब बताउँदै विदेशी मिडियाले अमेरिकी चुनावलाई प्रभावित पार्ने प्रयास गरेको बताए ।

• 

• 

आफ्नो राजीनामाको घोषणा गर्दै डेभीले बीबीसी वेबसाइटमा पोस्ट गरिएको एक विज्ञप्तिमा भनेका छन्, सबै सार्वजनिक संस्थाहरू जस्तै, बीबीसी पनि त्रुटिहीन (पूर्ण) छैन, र हामीले सधैं खुला, पारदर्शी र जवाफदेही रहनुपर्छ । यद्यपि यो मात्र कारण होइन, तर बीबीसी न्यूजको वरिपरि चलिरहेको वर्तमान बहसले मेरो निर्णयमा स्वाभाविक रूपमा योगदान दिएको छ । मैले अन्तिम जिम्मेवारी लिनै पर्छ।

विवाद यसरी सुरु भएको थियो । यो आलोचना जनवरी ६, २०२१ मा ट्रम्पले दिएको भाषणसँग जोडिएको क्लिपलाई लिएर उठेको हो । यो भाषणलाई लिएर ट्रम्पमाथि युएस क्यापिटलमा भीडको हमलालाई बढावा दिएको आरोप लागेको थियो। त्यो भीडले चुनावमा हारे पनि उनलाई सत्तामा राखिराख्न माग गरिरहेको थियो ।

अहिले बीबीसीको वृत्तचित्रमा जुन सम्पादित अंश देखिएको छ, त्यसबाट ट्रम्पले समर्थकहरूलाई आफू पनि प्रदर्शनकारीहरूसँगै युएस क्यापिटलसम्म हिँड्नेछन् र नर्क (हेल) जस्तै लड्नेछन् भनेजस्तो आशयको सन्देश प्रवाह गरिएको छ ।