नेपाल र यूएईबीच आज दोस्रो ओडिआई, दुवै टोली पहिलो जीतको खोजीमा

काठमाडौँ – आईसीसी विश्व क्रिकेट लिग २ अन्तर्गत यूएईमा जारी ओडिआई शृंखलामा नेपालले आज यूएईसँग आफ्नो दोस्रो खेल खेल्दैछ।

दुबईस्थित आईसीसी एकेडेमीमा हुने खेल नेपाली समय अनुसार विहान सवा ११ बजेदेखि सुरु हुनेछ।

• 

• 

जारी शृंखलामा दुवै टोलीले आफ्नो पहिलो खेलमा अमेरिकासँग पराजय बेहोरेका थिए। नेपालले १०६ रनको हार भोग्दा, यूएई ४ विकेटले पराजित भएको थियो। आजको खेल दुवै टोलीका लागि शृंखलामा पहिलो जितको अवसर हो।

नेपाल र यूएईबीच हालसम्म १५ ओडिआई खेल भइसकेका छन्। यसमध्ये नेपाल ९ खेलमा विजयी भएको छ भने यूएई ६ खेलमा सफल भएको छ।

लिग २ को हालको तालिकामा अमेरिका २२ खेलमा ३२ अंकसहित शीर्ष स्थानमा छ भने स्कटल्याण्ड ३० अंकसहित दोस्रो स्थानमा छ। नेपाल १७ खेलमा १२ अंकसहित सातौं स्थानमा रहेको छ भने यूएई १७ खेलमा ६ अंकसहित पुछारमा छ।