गृहमन्त्री अर्याल भोलिदेखि मधेसमा

काठमाडाैँ ।  गृहमन्त्री ओमप्रकाश अर्याल भोलि (सोमबार) मधेस प्रदेशको भ्रमणमा जाने भएका छन्।

आगामी फागुन २१ गते हुने प्रतिनिधि सभाको निर्वाचनका लागि आवश्यक सुरक्षा व्यवस्थाबारे जानकारी लिन उनले दुई दिन मधेसमा बस्नेछन्।

• 

• 

मन्त्री अर्यालसँग उद्योग तथा कानुनमन्त्री अनिलकुमार सिन्हा, युवा तथा खेलकुद मन्त्री बब्लु गुप्ता र गृह सचिव रामेश्वर दंगाल पनि सहभागी हुनेछन्।

भ्रमणका क्रममा उनी सुरक्षा निकाय र सरकारी कार्यालयका प्रमुखहरूसँग अन्तरक्रिया गर्ने र छठसम्बन्धी कार्यक्रममा समेत सहभागी हुने कार्यक्रम रहेको छ।