ओली र लेखक विरूद्धको जाहेरी प्रहरीले बुझ्यो, पठायो जाँचबुझ आयोगलाई

काठमाडौं, असोज २१ –काठमाडौं जिल्ला प्रहरी परिसरले मृतकका चार परिवारले दिएका तत्कालीन प्रधानमन्त्री केपी शर्मा ओली र गृहमन्त्री रमेश लेखकविरुद्धका जाहेरीहरू जाँचबुझ आयोगमा पठाएको छ।

परिसरका प्रवक्ता एसपी पवन भट्टराईका अनुसार भदौ २३ र २४ मा भएका घटनासम्बन्धी सबै निवेदन आयोगको कार्यक्षेत्रमा पर्ने भएकाले त्यहीँ पठाइएको हो। मृतकहरू पुरूषोत्तम खतिवडा, ईश्वर अधिकारी, गणेश चौलागाईं र अमेरिकाकुमारी चौधरीका परिवारले मानवता र राज्यविरुद्धको कसुरको आरोप लगाउँदै जाहेरी दिएका थिए।

• 

• 

जाहेरी सोमबार दिइएको भए पनि प्रहरीले तत्काल दर्ता नगरेपछि परिवारहरू राति अबेरसम्म परिसरमै बसेका थिए। त्यसपछि उच्चस्तरीय छलफल गरी जाहेरी आयोगमा पठाउने निर्णय भएको हो।