महेश बस्नेतको घोषणा काठमाडौंमा १० औं हजारको प्रदर्शन गर्ने

काठमाडौं, भदौ ३१ – नेकपा एमाले स्थायी कमिटी सदस्य महेश बस्नेतले काठमाडौं उपत्यकामा ठूलो संख्यामा युवाको सहभागिता रहने विशेष कार्यक्रमको घोषणा गरेका छन्।

मंगलबार आगजनी गरिएको पार्टी कार्यालयमा आयोजित सभालाई सम्बोधन गर्दै उनले भोलि र पर्सि (बुधबार–बिहीबार) भित्रै “१० औं हजार” युवाको भिड उतार्ने उद्घोष गरे।

“के हो एमाले? के हो युवा संघ?” भन्ने देखाउने कार्यक्रम हुँदैछ, उनले भने।

• 

• 

उनका अनुसार कार्यक्रममार्फत एमाले, युवा संघ, अखिल र अनेमसंघ कमजोर नभएको सन्देश दिने तयारी छ।

बस्नेतले अब टोल-टोलको सुरक्षा जिम्मा पनि एमाले कार्यकर्ताले लिने बताएका छन्।

यस्तै, संविधान दिवस (असोज ३) मा अध्यक्ष केपी शर्मा ओलीसहितका शीर्ष नेताहरूको उपस्थितिमा अर्को भव्य कार्यक्रम हुने जानकारी दिए।