बीपीडब्ल्यू लघुवित्तले आइपिओ जारी गर्दै

काठमाडौँ। बीपीडब्ल्यू लघुवित्त वित्तीय संस्थाको ९७ हजार कित्ता आइपिओ आउने भएको छ। संस्थाले प्रतिकित्ता १ सय रुपैयाँ अंकित मुल्यमा ९७ लाख रुपैयाँबराबरको आइपिओ जारी गर्न लागेको हो।

कम्पनीले उक्त सेयर निष्काशन गर्न बिक्री प्रबन्धकमा मेगा क्यापिटल मार्केट्स लिमिटेडलाई नियुक्त गरेको छ।

• 

• 

काठमाण्डौको त्रिपुरेश्वरीस्थित मेगा क्यापिटलको कार्यालयमा आयोजित एक कार्यक्रममा यस सम्बन्धमा स्रम्झौता भएको छ। सम्झौतापत्रमा संस्थाका निर्देशक सविन प्रधानाङ्ग र मेगा क्यापिटलका चिफ इन्भेस्टमेन्ट अफिसर सुलभ श्रेष्ठले हस्ताक्षर गरेका छन्।

आईपीओ निष्कासनपछि संस्थाको चुक्तापुँजी ३ करोड रुपैयाँ पुग्नेछ।