फिलिपिन्सलाई आधा दर्जन गोल गर्दै जापान सेमिफाइनलमा प्रवेश

काठमाडौं । जापानले आइतबार फिलिपिन्सलाई ७–० ले पराजित गर्दै महिला एसियन कपको सेमिफाइनलमा स्थान बनाएको छ । योसँगै आगामी वर्ष ब्राजिलमा हुने महिला विश्वकपका लागि पनि छनोट भएको छ।

यस जितसँगै जापानले २०२६ च्याम्पियनसिपमा हालसम्म २४ गोल गरेको छ । यद्यपि, एक गोल पनि खाएको छैन ।

• 

• 

• 

अब जापानले फाइनलमा पुग्न बुधबार दक्षिण कोरियासँग खेल्नेछ । दक्षिण कोरिया सन् २०२२ को उपविजेता टोली हो ।

चार वर्षअघि जापान सेमिफाइनलमा पेनाल्टी सुटआउटमा चीनसँग पराजित भएको थियो । यसले जापानको उपाधि रक्षा अभियान त्यतिबेला अन्त्य गरेको थियो । अस्ट्रेलियामा भइरहेको यस प्रतियोगिताका चार सेमिफाइनलिस्ट टोली स्वतः सन् २०२७ को महिला विश्वकपका लागि छनोट हुन्छन् ।

क्वार्टरफाइनलमा पराजित भएका टोलीहरू भने ब्राजिलमा हुने विश्वकपका लागि थप दुई स्थानका लागि प्लेअफ खेल्नेछन् ।