समूह विजेता बनेर वेस्ट इन्डिज सुपर एटमा पुग्यो

काठमाडौं । टी–२० विश्वकपमा वेस्ट इन्डिजले समूह चरणका चारै खेलमा जित निकालेको छ ।

भर्खरै सम्पन्न खेलमा इटालीलाई ४२ रनले हराउँदै टोलि ८ अंकसहित सुपर एटमा प्रवेश गरेको हो । वेस्ट इन्डिजले आफ्नो समूहका इंग्ल्यान्ड, नेपाल, इटाली र स्कटल्यान्ड सबैलाई हरायो ।

वेस्ट इन्डिजले दिएको १६६ रनको लक्ष्य पछ्याएको इटाली १८ ओभरमा अलआउट हुँदै १२३ रनमा रोकियो ।

उसका लागि बेन मनेन्टीले २६, जेजे स्मट्सले २४, एन्थोनी मोस्काले १९ तथा ग्रान्ट स्टवार्टले १२ रन जोड्दा अन्य ब्याटरले दोहोरो अंकमा रन बनाउन सकेनन् ।

• 

• 

बलिङतर्फ वेस्ट इन्डिजका समर जोसेफले चार, म्याथ्यु फोर्डेले तीन, गुदाकेश मोतीले २ तथा अकिल हुसेनले एक विकेट लिए ।

त्यसअघि कोलकातास्थित इडेन गार्डेन्समा टस हारेर पहिले ब्याटिङ थालेको इन्डिजले २० ओभरमा ६ विकेट गुमाएर १६५ रन जोड्यो ।

यस्तै, रोस्टन चेज र शेरफान रुदरफोर्डले २४–२४ रन बनाउँदा म्याथ्यु फोर्डे १६ रनमा अविजित रहे ।

बलिङतर्फ इटालीका बेन मनेन्टी र कृषन कालुगामागेले दुई–दुई तथा अलि हसन र थोमस डार्काले एक–एक विकेट लिए ।

यस समूहबाट वेस्ट इन्डिज र इंग्ल्यान्डले सुपर एटमा स्थान बनाउँदा नेपाल, इटाली र स्कटल्यान्ड समूह चरणबाट बाहिरिए ।