टी–२० विश्वकप आजदेखि: उद्घाटन दिनमै तीन रोमाञ्चक खेल

मुम्बई ।  आईसीसी टी–२० विश्वकपको १०औँ संस्करण आजदेखि भारत र श्रीलंकामा संयुक्त रूपमा सुरु हुँदैछ। उद्घाटन दिनमै तीन खेल खेलिँदैछन्, जसले विश्वकपको माहोल तातिने संकेत गरेको छ।

पहिलो खेलमा समूह ‘ए’ अन्तर्गत पाकिस्तान र नेदरल्यान्ड्स कोलम्बोमा बिहान ११:१५ बजे आमनेसामने हुनेछन्। दोस्रो खेलमा समूह ‘सी’ का स्कटल्यान्ड र वेस्ट इन्डिज कोलकातामा दिउँसो ३:१५ बजे भिड्नेछन्।

• 

• 

दिनको सबैभन्दा प्रतीक्षित खेल भने आयोजक भारत र अमेरिकाबीच साँझ ७:१५ बजे मुम्बईको वानखेड़े स्टेडियममा हुनेछ। यसअघि भव्य उद्घाटन समारोह आयोजना गरिनेछ, जहाँ बादशाह, नोरा फतेहीलगायत चर्चित भारतीय कलाकारले प्रस्तुति दिनेछन्।

नेपालले भने आफ्नो पहिलो खेल आइतबार इंग्ल्यान्डविरुद्ध खेल्नेछ।