बुढासुब्बा गोल्डकप आगामी माघ २२ देखि

काठमाण्डौ । हरेक वर्ष धरानमा आयोजना हुने अन्तर्राष्ट्रिय आमन्त्रण बुढासुब्बा गोल्डकप फुटबल प्रतियोगिताको २६औँ संस्करण यही माघ २२ गतेदेखि हुने भएको छ ।

धरान फुटबल क्लबले २०५५ सालदेखि नियमित आयोजना गरिरहेको प्रतियोगिताअन्तर्गत यस वर्षको प्रतियोगिता यही माघ २२ गतेदेखि फागुन २ गतेसम्म धरान रङ्गशालामा सञ्चालन हुने आयोजकले जनाएको छ । बिहीबार पत्रकार सम्मेलनमार्फत गएको वर्ष आठ टोलीको सहभागिता रहेको प्रतियोगितामा यसवर्ष १० वटा टोलीको सहभागिता रहने क्लबका अध्यक्ष प्रताप तामाङले जानकारी दिए ।

यस वर्ष प्रतियोगितामा एनआरटी क्लब काठमाण्डौै, चर्च ब्वाइज क्लब काठमाण्डौ, नेपाल पुलिस क्लब काठमाण्डौ, रोयल थिम्फु क्लब भुटान, जर्जियन क्लबका लेम्पुङ भारत, एलए क्लबपोखरा, सातदोबाटो युथ क्लब ललितपुर, प्लानिङ ब्वाइज युनाटेड क्लब काठमाण्डौ, झापा–११ झापा र धरान फुटबल क्लब सहभागी हुने आयोजकले जनाएको छ ।

प्रतियोगिताको विजेताले १० लाख रुपैयाँ र उपविजेताले ५ लाख रुपैयाँ पुरस्कार प्राप्त गर्नेछन् ।

थप समाचारहरु

१९ औ संस्करणको आहा रारा गोल्डकप फुटबल चैत २१ देखी सञ्चालन २२ वर्षदेखि निरन्तर हुँदै आएको बुढासुब्बा गोल्डकप यसपटक नहुने झापा महिला गोल्डकपः उपाधिका लागि आज पुलिस र एपीएफ खेल्दै झापा महिला गोल्डकप : ४ खेलमा ११ लाख रुपैयाँभन्दा धेरैको टिकट बिक्री आहा रारा गोल्डकप फ्लडलाईटमा गर्ने तयारी धनगढीमा सुदूरपश्चिम प्रदेशस्तरीय भलिबल प्रतियोगिता असोज ३० देखि