अफगानिस्तानका खेलाडीले वर्षमा ३ वटा मात्र विदेशी टी–२० लिग खेल्न पाउने

दाक्सु मिडिया

२०८२ माघ १

काठमाण्डौँ । अफगानिस्तानका खेलाडीहरूले वर्षमा तीन वटा मात्र टी–२० क्रिकेट लिग खेल्न पाउने भएका छन् ।

अफगानिस्तान क्रिकेट बोर्ड (एसीबी) को नयाँ नीतिअनुसार अब खेलाडीहरूले पाँच टोलीको फ्रेन्चाइजीमा आधारित टी–२० लिग खेल्नुका साथै तीन वटा अन्तर्राष्ट्रिय लिगमा मात्र भाग लिने पाउनेछन् । नयाँ टी–२० लिग आउँदो अक्टोबरमा संयुक्त अरब इमिरेट्स (यूएई) मा शुरू हुनेछ ।

काबुलमा आयोजित बोर्डको वार्षिक साधारणसभाले यो निर्णय गरेको हो । खेलाडीहरूको कार्यभार सन्तुलन गर्न र राष्ट्रिय टोलीको जिम्मेवारीका लागि उनीहरूको उत्कृष्ट प्रदर्शन सुनिश्चित गर्ने उद्देश्यले यो निर्णय गरेको क्रिकेट बोर्डले जनाएको छ ।

यसको अर्थ रशिद खानजस्ता लोकप्रिय टी–२० खेलाडीले आर्थिक नोक्सानी बेहोर्न सक्छन् ।