नवौं एनभीए च्याम्पियनसिपमा पुलिसका दुवै टोली पहिलो खेल खेल्दै

काठमाण्डौँ । विभागीय टोली नेपाल पुलिस क्लबका दुवै टोलीले पहिलो खेल खेल्दै नवौं एनभीए महिला तथा पुरुष भलिबल च्याम्पियनसिप सुरु गर्ने भएका छन् ।

नेपाल भलिबल संघको वार्षिक कार्यक्रम अनुसार आयोजना हुने प्रतियोगिता पुष ११ देखि २० गतेसम्म राष्ट्रिय खेलकुद परिषद् (राखेप) को कभर्ड हल त्रिपुरेश्वरमा सञ्चालन हुनेछ।

• 

• 

पहिलो दिन पुरुषतर्फ पुलिसले ढोरपाटन क्लबको सामना गर्नेछ । यो खेल दिउँसो १ बजे सुरु हुनेछ। त्यसअघि बिहान ९ बजे महिला टोलीलाई सुदूरपश्चिम प्रदेशले चुनौती प्रस्तुत गर्नेछ ।

च्याम्पियनसिपमा पुरुषतर्फ १२ र महिलातर्फ ८ गरी कुल २० टोली सहभागी हुने आयोजक नेपाल भलिबल संघले जनाएको छ।

च्याम्पियनसिपबाट पुरुषतर्फ शीर्ष ८ र महिलातर्फ शीर्ष ६ टोली प्रधानमन्त्री कप एनभीए लिगमा छनोट हुने छन् ।