नेपाली राष्ट्रिय भलिबल टोलिकी कप्तान अरुणा अस्ट्रेलिया जाँदै

काठमाण्डौँ । नेपाली राष्ट्रिय भलिबल महिला टोलीकी कप्तान अरुणा शाही अस्ट्रेलिया जाने भएकी छन् ।

नवौं एनभीए महिला तथा पुरुष भलिबल च्याम्पियनसिप नखेल्ने भएपछि उनी बिहीबार त्यसतर्फ प्रस्थान गर्ने भएकी हुन्। उनलाई मंगलबार नै टाइगर ग्रुप अफ नेपालले पोखरामा बिदाई गरेको थियो।

• 

• 

उनले अस्ट्रेलियामा एक प्रतियोगिता खेल्ने बताएकी छन् । नेपाल भलिबल संघ (एनभीए) को आयोजनामा च्याम्पियनसिप ११ पुसदेखि त्रिपुरेश्वरस्थित दशरथ रंगशालाको कभर्डहलमा सुरु हुँदैछ ।

च्याम्पियनसिपमा पुरुषतर्फ १२ र महिलातर्फ ८ गरी कुल २० टोली सहभागी हुने आयोजक नेपाल भलिबल संघले जनाएको छ । उक्त खेलबाट पुरुषतर्फ शीर्ष ८ र महिलातर्फ शीर्ष ६ टोली प्रधानमन्त्री कप एनभीए लिगमा छनोट हुने संघले जनाएको छ । तर, अरुणाले यो छनोट नखेल्ने भएकी हुन् ।

उनले पछिल्लो समय पोखरामा भएको प्रचण्ड महिला भलिबल लिग गण्डकी प्रदेशबाट खेलेकी थिइन् । यसपल्ट गण्डकीले छनोटमा सहभागिता नजनाउने निर्णय गरिसकेको छ । यद्यपि, उनी एभरेस्ट भलिबल क्लबबाट पनि खेल्दै आएकी थिइन् । अघिल्लोपल्ट उनकै कप्तानी क्बलले टाइगर कप जितेको थियो । एभरेस्टले भने छनोट खेल्नेछ।